ben law'qu' yIn vIlHem-tel nap loDvam 'ej vumqu'nIS 'a batlhDaj Suq 
qaStaHvIS wa'SaD DIS lamDaq Quch ngoHchugh vaj gheghlaHtaHqu' reH 
QuchDaj rotlh law' lam rotlh puS Huch law' ghajbe' 'e' SaHbe' pIvmo' 
qorDu' 'ej Hemmo' Soj SuqmeH wIj 'ej HuD SumDaq wam wamtaHvIS tlhej 
puqloDDaj juHqo' charghta' HI' nov yoSDaq wa' HI'Hom ngeHta' HI' HI' 
woQ luvuv latlh je pe'vIl 'e' qaSmoHlaw' HI'Hom woQ luvuvmeH rewbe' 
veng botlhDaq HI' Degh lanta' HI'Hom vaj ra' Deghvam quv bojuSpa' 
'oHvaD petor SIbI' torbe'wI' luqoplu' HI'Hom SoQ Qoybe' puqloD je 
HuDDaq wammo' vengDaq cheghDI' HI' Degh lujuS vaj ghoS HI'Hom QeH jach 
HI' Degh quvvaD petor jang jItorQo' HI' nov vIvuvQo' jItlhabmo' 
puqloDwI' je lotlhwI' tlhIv Saqop jatlh HI'Hom HI'vaD chaH qem HI'Hom 
tlhob HI' nuqmo' HI'na'ra' jIHbejbogh bovuvQo' ja' matlhabmo' not 
mochqoq SoHbejbogh vuv vajna' jang HI' gharwI' jat nuch tIq jatlh 
teHHa' woQlIj 'IwlIj DalarghlaHbe' 'IwwIj jeD law' 'IwlIj jeD puS 'e' 
vItobmeH yapbe' mu' 'e' vItobmeH vI'wIj'e' vI'ang jatlh puqloD 'e' 
tobbej vavwI' vI' pov pu'beH baHchu' Sorvo' jagh ghopvo' joq naH 
bachlaH vavwI' wa' qelI'qam 'oHDI' chuq'e' wejpuH 'e' vIleghqang 
bIvItchugh ghoplIjvo' naH bachnIS vavlIj jach puqloD chotIchlaw'pu' 
vavwI' jagh vIDaQo' jay' jang HI' vaj Sor'e' yIDa yotlhDaq chaH qem HI' 
HI'Hom je ja' HI' mIw vIQIj wa' qelI'qam chuqDaq puqloD luplu' 
ghopDajvo' naH bachnIS vIlHem-tel pu'beHvam yIbaH baHbeHbogh pu'beH 
tlhap vIlHem-tel naH puStaHvIS ghaH jatlh HI' vI'qoqlIj Hajba' 
puqloDlI' jatlh nuqjatlh jatlhqa' HI' Duvoqchu'chugh vaj nujDaq naH 
lanvIpbe' puqloDlI' qar'a' puqloDvaD Qum HI'Hom nujlIjDaq naH yIlan 
jang lu' qatlh mIw choHlu' ja' raptaH SanlIj rejmorgh yIDaQo' bItlaw' 
vIlHem-tel qeqmeH Qogh mach Hop bach 'a juSqu' 'uD'a' 'ej Haw' Qogh 
Hagh HI' HI'Hom je jatlh batlh Heghbe' HaghwI' tlhob HI'Hom DaHjaj 
Hegh'a' puqloDlIj'e' QeHqu'choH vIlHem-tel nom puS 'ej baH jor naH 'ej 
pay' ghomHa' puqloD Ho' 'ej vulchoH jatlh HI' vI'lIj DaDajpu' not 
bItlhabqa' reH qama'na'ma' SoHtaH pu'beH tlhe'moH 'ej HI' tlhejbogh wej 
mang'e' bach HI'Hom rIQqu'moH je 'a Haw' HI' HI' qImHa' 'ej puqloDDaq 
qet puqloDDaq pawDI' loQ vulHa'choHpu' jatlh puqloD vavoywI' pIch 
Daghajbe'ba' 'e' vItlhoj 'ach qatlh DubHa'law'pu' vI'lIj jang QeHchugh 
qoj bItchugh matHa' vaj puSHa' jatlh jIyaj 'ej Hegh jach baQa' Heghpu' 
puqloDoywI' quv bortaS vISuq nIch ngaSbe' pu'beH 'e' tu' vaj Doch 
lI'be' woD puqloD moy'bI' Ho' je woH nuHHeyvam qengtaHvIS HI' wam 
yotlhvo' cheghlI'bogh HI' SamDI' moy'bI' puSchu' jot QeHba' 'a 
jotbejmo' HI' mong mup Ho' bortaS neHpu'bogh Suqmo' rIntaH nom 
juHqo'DajDaq cheghmeH Duj tIj Dejmo' HI'tuy batlh maqqu'lu' lop 'e' 
tIvbe' puqloD quvmoHbe'lu'mo'